Enti Rregullator Energjitik mori vendimin për të anuluar kërkesën e deputetes, Jorida Tabaku, për mosaplikim të fashës 800 kWh. Sipas Bordit, deputetja nuk ka parashtruar argumentet e duhura. Por nga ana tjetër deputetja parashtron argumentet.
Enti Rregullator Energjitik mblodhi Bordin për të shqytuar kërkesat e deputetes Jorida Tabaku për heqjen e fashës 800 kËh që ka vendosur qeveria, pasi sipas saj ERE i merr këto vendime.
Gjatë mbledhjes së Bordit, ERE rrëzoi kërkesën e ligjvënëses pasi shihet një mungesë argumentesh.
Ndërsa vendosi që vendimin e qeverisë ta lërë në fuqi, por pa dhënë një datë se kur do të hyjë në fuqi shtrenjtimi i energjisë.
Në kundërshtim me vendimin ndaj ERE, Tabaku shprehet se duhet mbrojtur interesi i qytetarëve, ndërsa liston argumentet që i ka depozituar.
Jorida Tabaku: Nuk ka asnjë arsye të rrëzoni kërkesën time që kërkon thjesht heqjen e fashës për mbi 100 mijë familje për rritjen e çmimit e energjise me 5 here me shume.Mendimi i çdo deputeti është se ERE duhet të mbrojë interesin e konsumatorëve.
Pra ERE merr parasysh interesin e qytetarëve.Kërkesa ime për të revokuar vendimin për krijimin e fashës 800 kWh për mbi 100 mijë familje që do të rrisë çmimin me 5 herë për familjet shqiptare nuk është thjesht një kërkesë partizane dhe populiste.
Kërkesa ime është e bazuar në të dhëna, në realitetin që po ndiqet sot, nga shifrat e tregtimit të gazit dhe çmimit të energjisë në bursën e Hungarisë. Pra është një kërkesë e logjikshme që padyshim duhet të trajtohet nga ERE e cila i shërben qytetarëve dhe interesit publik.
Duke pasur gjithashtu parasysh edhe situatën e vështirë të familjeve shqiptare, gjendjen e mjerueshme të portofoleve të tyre dhe realitetin ekonomik të vendit që edhe nesër pritet të ketë rritjen më të dobët ekonomike.
ERE duhet të rishikojë pozitivisht kërkesën time si deputete e parlamentit për ta zhbërë vendimin që krijon fashën prej 800 kWh.
