Kryetari i Partisë së Lirisë, Ilir Meta, ka hedhur kritika të forta për qeverinë Rama. Ai thotë se “Rilindja” ka shtuar pagesat për vjedhjet e shekullit, duke përmendur këtu koncesionet dhe inceneratorët. Ai thekson se kjo mazhorancë nuk i plotëson dot kërkesat e drejta të pedagogëve pasi fokusin kryesor e ka të krimi dhe jo në arsim.
Postimi i Metës:
Ndërsa popullit i kërkohet të kursejë dhe shtrëngojë rripin, “Rilindja” e Edvin Ramës vazhdon të shtojë pagesat për vjedhjen e shekullit, atë të inceneratorëve, por edhe koncesionet e tjera korruptive.
Për të plotësuar kërkesat modeste të pedagogëve dhe studentëve “Rilindja” e ka të pamundur sepse prioriteti i saj është krimi dhe jo arsimi.
Partia e Lirisë përkrah kërkesat e ligjshme të pedagogëve e studentëve dhe shpreh bindjen në triumfin e kauzës të tyre për një arsim cilësor, që i jep fund largimit të pedagogëve dhe studentëve nga vendi.