Kryetari demokrat, Sali Berisha, komentoi sërish çështjen e lobimit rus nga Lulzim Basha. Ai tha se auditi i PD do të fillojë punë shumë shpejt.
“Auditi do të fillojë shpejt punën. Unë u shpjegova se kanë marrë çdo gjë me vete. Edhe hard disqet edhe çdo gjë. Pavarësisht kësaj, ne do bëjmë punën.
Ajo që kam unë, dëshmi dhe dokument, nga hetimi i prokurorisë dhe dëshmitë që kanë dhënë Arben Ristani dhe Ilir Dervishi, del se asnjë qindarkë nuk ka hyrë dhe ka dalë në arkën e PD.
Në këtë kontekst, unë e quaj veprim të papërgjegjshëm personal të Lulzim Bashës. Se i tillë është. Ne do bëjmë të pamundurën për atë që hetim që mund të bëjmë. Tjetrën natyrisht e bllokon Edi Rama,” tha Berisha.
“Mos harroni deklaratën që bëri dje Edi Rama se ai e dinte që paratë e Lulzim Bashës ishin ruse. Po nëse e dije, si ndërhyre në gjykatë ti për ta nxjerrë të pafajshëm? Nga kush e mori urdhrin ky?
Edhe sot i them Lul Bashës: mos kujto se mbyllet ky problem. Do dalësh të deklarosh dhe t’u thuash shqiptarëve që tani se ka një raport me të dhëna konkrete për mbledhjen e fondeve, mos mendoni se kalohet me mbrojtjen që i bën Edi Rama”, tha Berisha.
