Pak para nisjes së sezonit të ri parlamentar, demokratët kanë nisur lëvizjet e tyre, duke u mbledhur mes tyre.
Kryetari i Grupit Parlamentar të Partisë Demokratike, Enkelejd Alibeaj mblodhi dje në një takim informal deputetët demokratë.
Mësohet se takimi u thirr me kërkesë të deputetit Lefter Gështenja, pak para nisjes së sezonit të ri parlamentar. Po ashtu raportohet se takim u zhvillua në një hotel në kryeqytet.
Nga ana tjetër, mësohet se kreu i PD-së, Sali Berisha ka thirrur mbledhjen e kryesisë, që është parashikuar të mbahet në orën 12:00. Në këtë takim do të diskutohet mbi aksionin politik opozitar të PD-së, ku do të bëhet dhe miratimi grupeve të punës, miratimi i departamenteve sipas sektorëve përkatës dhe sekretarëve politikë për disa nga degët.
