Shefi i politikës së Jashtme të Bashkimit Europian, Josep Borrell, ka reaguar për zgjedhjen e presidentit të ri në vendin ton.
Në postimin e tij në ‘Twitter’, Borrell ka uruar për detyrën e re si president Bajram Begajn.
Borrell: Urime Bajram Begajt për zgjedhjen e tij si Presidenti i ardhshëm i Shqipërisë. Mezi presim që të punojmë bashkë për një marrëdhënie të sigurt dhe solide BE-Shqipëri, si anëtarë të familjes evropiane.
Edhe Komisioneri për Zgjerimin në BE, Oliver Varhelyi ka uruar Begajn.
“Urime Bajram Begajt për zgjedhjen e tij si President i ardhshëm i Shqipërisë. Në pritje të punojmë së bashku për të çuar përpara Shqipërinë në rrugën e saj të integrimit në BE”, thuhet në mesazhin e Várhelyi.
