Kryetari i PD-së Sali Berisha ka akuzuar Edi Ramën se është i njëjtë me Enver Hoxhën pasi siç e dorëzoi diktatori Hoxha Kosovën te Tito, ashtu po vepron edhe Rama duke e dorëzuar te Vuçiç.
Sipas Berishës, Edi Rama po thur me Aleksandar Vuçiç plane të kobshme për Kosovën dhe shqiptarët në Kosovë.
Berisha theksoi se të refuzosh dënimin e gjenocidit serb në Kosovë në kuadrin e operacionit ‘Patkoi’, do të thotë si një antishqiptar i vërtetë të vrasësh për së dyti, të masakrosh, të përdhunosh, të kryesh ato barbari që ngjiten në nivel gjenocidi edhe njëherë ndaj shqiptarëve në Kosovë.
Berisha: Një rezolutë që paraqitëm për të dënuar gjenocidin serb në Kosovë, gjenocidin e viteve 1998-1999, u refuzua nga Edi Rama, me pretekstin se ajo bie në kundërshtim me Ballkanin e Hapur, në të cilin Shqipëria është thjeshtë Beogradi i vogël.
Në vitin 1945, Enver Hoxha, pasi me divizionet e tij, mundësoi vërshimin e hordhive serbo-malazeze në Kosovë dhe e dorëzoi atë tek Tito, akt të cilin e mbron edhe në vitin 1982 kur thotë “mirë bëmë”, Edi Rama po thur me Aleksandar Vuçiç plane të kobshme për Kosovën dhe shqiptarët në Kosovë.
Të refuzosh dënimin e gjenocidit serb në Kosovë në kuadrin e operacionit ‘Patkoi’, do të thotë si një antishqiptar i vërtetë të vrasësh për së dyti, të masakrosh, të përdhunosh, të kryesh ato barbari që ngjiten në nivel gjenocidi edhe njëherë ndaj shqiptarëve në Kosovë.
