Pjesa më e madhe e Lezhës përfshi edhe qytetin janë përballur me mungesë të energjisë elektrike qe prej orës 03:00 të mëngjesit të sotëm.
Mësohet se nënstacioni elektrik në Lezhë nuk furnizohet me energji për shkak të një defekti në linjën e tensionit të lartë 110 kv në Dajç.
Energji kanë vetëm zona e bregut të Matit që furnizohet nga nënstacioni i Rrilës. OSHEE bën me dije se po punon për rikthimin e energjisë, ndërsa presin që OST te riparojë defektin.
