Ish-deputeti Lefter Maliqi ka komentuar zhvillimet më të fundit në kampin blu pasi gjykata e Tiranës i dha sot të drejtë Kuvendit të 11 dhjetorit.
Maliqi tha se Berishën e duan demokratët ndërsa shtoi se dorëheqja e Bashës ishte një truk dhe një përpëlitje e fundit.
“Më 6 mars shtëpia e lirise doli forcë e dytë politike, dhe pas kësaj shumë drejtues vendor të PD kanë pasur takime me Berishën edhe shumë deputetë kërkuan largimin e Bashës. Dorëheqja është një truk.
Më vjen keq për Alibeajn jam kundër çdo lloj përdorimi politik, i bëj thirrje Alibeajt nuk duhet parë interesi personal por i votuesve, i demokratëve.Kjo carje i bën dëm opozitës dhe i bën mirë mazhorancës që është kthyer në një diktaturë.
Doreheqja e Bashës është një truk dhe këto janë përpëlitjet e fundit, ky është qëllimi i Ramës. Qëllimi i Ramës dhe Bashës është që Rama ti fitojë zgjedhjet lokale bindshëm.
Kur Berisha bashkoi demokratët pas 97-ës për shkak të luftës dhe erdhi në pushtet në 2005, me këtë pjekuri që ka tani vjen me fitore, një faktor kyç është koalicioni i madh opozitar me LSI. E them që zbritja e Metës në bazë bashkë me PD, bëjnë të mundur vendosjen e pluralizmit”, tha ai.
