Edhe për 4 vjet Armando Duka do të vazhdojë të jetë President i Federatës Shqiptare të Futbollit. Ai u rizgjodh për të gjashtën herë në krye të FSHF-së, pas një gare ku ka patur ndërhyrje nga politika, veçanërisht në asambletë e disa shoqatave rajonale.
Pas votimit nga Asambleja e FSHF, e mbledhur sot paradite, Armando Duka u shpall fitues me 37 vota, kundër vetëm tre që mori Starova (1 abstenim) ndërsa nuk pati asnjë votë pro Shakohoxhës, i cili nuk ishte prezent në mbledhje.
