Orë dramatike në selinë e okupuar dhe me dyer të mbyllura të okupuara të Lulzim Bashës pak para nisjes së votimit në 6 bashki për kryetarët e rinj. Pas Vorës, mësohet se edhe në Lushnjë, Lulzim Basha nuk po gjen komisionerë për në qëndrat e votimit.
Klevis Balliu, anëtar i Komisionit të Rithemelimit të PD, njoftoi para pak minutash se “Lul Brava nuk ka komisioner për Lushnjën dhe ai është duke shkelur ligjin duke sjellë propozimet për komisioner përtej çdo afati ligjor.”
“Sot Luli është i braktisur nga të gjithë përveçse nga Edvini, – nënvizon Balliu. – Lul Brava sot është pa komisioner, pa anëtarësi, pa votues por vetëm me një kandidat të emëruar nga shefi i tij Edi Rama. Edhe komisionerët është Rama ai që po ia përzgjedh dhe emëron, Lul Bravës. Pra praktikisht është Edvin Rama ai që ka në dorë procesin zgjedhor të 6 Marsit.”
