Banka Qendrore e Rusisë dyfishoi këtë hënën normën bazë të interesit të vendit nga 9.5% në 20% pasi monedha e saj, rubla, arriti një rekord të ulët kundrejt dollarit si pasojë e një sërë sanksionesh dhe gjobash të reja të vendosura ndaj Rusisë nga Evropa dhe SHBA për pushtimin e Ukrainës.
Rritja e normës, tha banka qendrore, ”është krijuar për të kompensuar rrezikun e rritur të zhvlerësimit të rublës dhe inflacionit”.
Kjo vjen pas urdhrit të bankës qendrore për të ndaluar ofertat e të huajve për të shitur letrat me vlerë ruse në një përpjekje për të frenuar pasojat e tregut.
Rubla ra deri në 119.50 për dollar, me një rënie të madhe prej 30% nga mbyllja e së premtes.
Tregjet e aksioneve dhe derivateve të Rusisë do të qëndrojnë të mbyllura të hënën, tha banka qendrore.
Banka tha gjithashtu se do të lironte 733 miliardë rubla (8.78 miliardë dollarë) në rezerva bankare lokale për të rritur likuiditetin.
Zhvillimet dramatike nënvizojnë frikën e një acarimi në bankat ruse.
Tashmë, radhët e gjata për të tërhequr para janë parë në ATM në qytetet ruse. “Sberbank Europe”, e cila është në pronësi të “Sberbank” shtetërore ruse, thotë se ka përjetuar “dalje të konsiderueshme të depozitave në një kohë shumë të shkurtër”.
