Policia greke ka gjetur autmjetin me të cilin u larguan pesë të dënuarit shqiptarë pas arratisjes nga burgu i Chanias. Komionçina që shihni në foto është përdorur nga shqiptarët për tu larguar nga paraburgimi i komisariatit.
Fillimisht ata sharruan me limë kangjellat e burgut dhe më pas shkallmuan murin me forcë, duke mundur të dalin jashtë ambienteve të komisariatit.
Është bërë i ditur identiteti i vetëm njërit prej të dënuarve, i cili është një shtetas me origjinë nga Dropulli dhe me inicialet O.P., 43-vjeç.
Kujtojmë se të arratisurit janë persona me rrezikshmëri të lartë, të dënuar për vepra penale të rënda.
Njëri prej tyre rezulton i dënuar me tre burgime të përjetshme për tre vrasje.
Ndërkohë që personat e tjerë janë të ndaluar për vjedhje, vrasje, trafik droge dhe krime të tjera të rënda.
Ata mbërritën në Chania mëngjesin e së shtunës për t’u transferuar në burgun e Chanias. Në pritje të transferimit për në burgun rural, pesë shqiptarët mundën të finalizojnë arratisjen mëngjesin e të hënës.
Të dënuarit që transferohen ne burgje rurale si ai i Agias, janë persona qe kane kryer 8 vite burg në rast dënimi me burgim të përjetshëm, “Isovia”, ose ata që kanë kryer 1/5, për dënime mbi 10 vjet.
Gjithashtu nevojitet që të ketë marrë të paktën një herë leje nga burgu dhe të jetë kthyer, si dhe të ketë pasur sjellje të mirë.
