Një kalimtare është përplasur nga një automjet tip “Benz” në Unazën e Tiranës. Ngjarja ka ndodhur në afërsi të Piramidës, ku siç shihet dhe nga pamjet e mëposhtme e reja qëndron e shtrirë në asfalt duke marrë ndihmën e parë mjekësore nga kalimtarë të rastit, deri në ardhjen e ambulancës.
Makina e cila e ka aksidentuar, një Benz ngjyrë gri, është larguar në mënyrë të menjëhershme nga vendngjarja.
Burime bëjnë me dije se e reja gjendet jashtë rrezikut për jetën dhe po merr kujdesin e nevojshëm mjekësor në spital.
Grupi hetimor dhe policia po vijojnë punën për identifikimin e personit që shkaktoi aksidentin.
