“Shtëpia e Lirisë”, ky është emri nën të cilin do të kandidojnë kandidatët e Komisionit Për Rithemelimin e Partisë Demokratike në zgjedhjet e pjesshme vendore të 6 marsit.
Ndërkohë përsa i përket logos që është shpërndarë ditën e sotme në rrjetet sociale, Luan Baçi tha se flamuri i PD që ka logon e bardhë dhe sfondin e kuq, nuk është logoja që do të mbajë ky koalicion, duke shtuar se një gjë e tillë është falsitet i Lulzim Bashës.
Në një intervistë për Ora News, Baçi tha se zgjedhjet e 6 marsit janë një test, ndërsa shtoi se Basha po qëndron me këmbëngulje si kryetar i PD për të dëmtuar partinë.
Gazetari: Si do t’i regjistroni kandidatët? A është logo e PD me logon e bardhë dhe fushën e kuqe. A është kjo logo e koalicionit.
Luan Baçi: Jo nuk është logoja e PD, janë falsitete që mund të bëjë Lulzim Basha me të vetët. Ka një koalicion që ka marrë emrin shtëpia e lirisë dhe është thjeshtë dhe vetëm për të bërë të mundur regjistrimin e kandidatit të PD. Lulzim Basha me katër-pesë që ka mbetur e di mirë që një pjesë e partisë e ka braktisur. Basha po qëndron me këmbëngulje për të dëmtuar PD. Mendoj se nuk do ia arrij. Zgjedhjet e 6 marsit janë një test i mirëfilltë ku do të tregojë mbështetjen që ka PD.
I pyetur se si do jetë axhenda e Komisionit të Rithemelemit, nëse nuk merr asnjë bashki në zgjedhje, Baçi me bindje tha se kjo gjë nuk do të ndodhë pasi sipas tij ata do të marrin shumicën e votave në këto zgjedhje
Gazetari: Basha ju ka quajtur pakicë, trekëndësh Bermude, juve së bashku me Metën e Ramën. Nëse në zgjedhjet e 6 marsit, koalicioni “Shtëpia e Lirisië” nuk do të fitojë asnjë bashki dhe do marrë më pak vota se Basha, si do të jetë axhenda e Komisionit të Rithemelimit?
Luan Baçi: Nuk ja gjasa dhe nuk mund të ndodh një gjë e tillë. E jap me garanci të plotë se çdo kandidat i vendosur nga Basha, që shpresoj të mos vendosë kandidatë dhe të mos jetë deri në fund kjo lojë e tij. Do marrin një pakicë votash për të ardhur keq, dhe mosparaqitja fare do të jetë vërtetë e vlerësuar, pasi kjo tregon se nuk kuron të dëmtojë PD. Nëse Basha mendonte se mund të kshte një kandidat zyrtar, e kishte derën e hapur ditën e djeshme në primare.
Kush dëmton ai që ka më pak a më shumë vota. Bashkinë e Shkodrës dhe Lushnjes do e marrë PD. Shpresoj që të jetë një bllof i Bashës për të dalë me kandidat sepse do të dalin të turpëruar, dhe pastaj do të duhet të japin dorëheqjen të gjithë se bashku.