Drejtore e Komunikimit në Komisionin e rithemelimit të PD, Floriana Garo publikoi gjatë ditës së sotme një foto në të cilën pretendohet apo dyshohet për persona të armatosur brenda selisë së Partisë Demokratike.
E pyetur lidhur me foton në fjalë, në studion e emisionit “Opinion”, Garo tha se fotografia është siguruar nga ambjentet e brendshme të PD dhe ajo është realizuar sot.
Pjesë nga intervista
Fevziu: Zonja Garo nga ka ardhur kjo foto dhe sa të sigurt jeni për autenticitetin?
Garo: Sigurisht ne nuk duam ta tregojmë se kush e ka shpërndarë foton, por mund të themi që foto ka ardhur nga brenda dhe një nga personat e atjeshëm e ka treguar foton…
Fevziu: Jeni të sigurt që janë të armatosur?
Garo: Ne shohim që janë të maskuar dhe duket që ka diçka të dyshimtë në xhep. Është brenda selisë në dhomën e pritjes, në katin e dytë.
Fevziu: I identifikoni personat?
Garo: Jo nuk mund t’i identifikoj. Desha të theksoj që kjo foto është marr sot, sepse është aluduar që mund të jetë e viteve më parë, gjë që nuk është e vërtetë./Opinion.al
