Ushtria indiane njofton se gjenerali i tyre, Bipin Rawat, gruaja e tij dhe 11 pasagjerë kanë humbur jetën si pasojë e rrëzimit të helikopterit. Mjeti fluturues është rrëzuar në shtetin jugor, Tamil Nadu.
Në këtë përplasje një oficer i forcave ajrore, kapiteni i grupit, Varun Sing, mbijetoi dhe po trajtohet në një spital ushtarak.
Transmetuesi publik Prasar Bharati tha se helikopteri Mi-17V5 ishte duke u nisur nga një bazë e forcave ajrore për në kolegjin e shërbimeve të mbrojtjes ushtarake kur u rrëzua pranë qytetit Coonoor, një stacion kodrinor në Tamil Nadu.
Arsyeja e rrëzimit ende nuk është bërë e ditur.
