Talebanët kanë rritur kërkimet e tyre për njerëzit që punonin në forcat e NATO-s ose në qeverinë e mëparshme afgane, thuhet në një dokument të OKB.
Sipas BBC luftëtarët talebanas kanë shkuar shtëpi më shtëpi, për të kërcënuar dhe gjetur kundërshtarët e tyre. Edhe pse ata kanë premtuar se nuk do të ketë hakmarrje, autoritetet perëndimore mendojnë të kundërtën.
“Ekziston një numër i madh i individëve që aktualisht janë në shënjestër nga talebanët dhe kërcënimi është i qartë,” tha Christian Nellemann, personi që u mor me hartimin e dokumentit të OKB.
Sipas tij, kush është në “listën e zezë” të talebanëve është në rrezik të madh dhe se do të ketë ekzekutime masive. Deri më tani, 18 mijë njerëz janë evakuuar nëpërmjet aeroportit të Kabulit, ndërsa rreth 6 mijë të tjerë, pritet të largohen në orët në vijim, shkruan BBC.