Një nga politikanët më të zëshëm serb, Dragan Markoviç Palma, ka hedhur në treg propozimin e çmendur dhe malinj, që Edi Rama, Aleksandër Vuçiç dhe Zoran Zaev, të nominohne për çmimin Nobel për atë që po bëjnë për Ballkanin dhe vendet e tyre.
Tre liderët e Shqipërisë, Serbisë dhe Maqedonisë së Veriut kanë krijuar iniciativën ‘Open Balkan’ dhe për Markoviç kjo është marrëveshja më e rëndësishme në 70 vitet e fundit në rajon.
‘Aty ku ekonomia është e lidhur, nuk ka luftë. Marrëveshja ‘Ballkani i Hapur’ sot siguron kalim falas të njerëzve dhe mallrave, por mbi të gjitha siguron paqe në këtë fushë, veçanërisht midis serbëve dhe shqiptarëve, dhe kjo është arsyeja pse presidenti serb Aleksandër Vuçiç dhe kryeministrat shqiptarë dhe maqedonas verior Zoran Zaev dhe Edi Rama meritojnë Çmimin Nobel për Paqe. ‘, deklaron Markoviç.
Gjithashtu ai ka sulmuar kritikuesit e ‘Open Balkan’ duke thënë, se janë ata që nuk duan paqe dhe bashkëpunim dhe se jetojnë ende në shekujt e kaluar.
‘Ai që është kundër asaj marrëveshjeje nuk është për paqe dhe bashkëpunim. Kurti dhe Izetbegović ende jetojnë në shekujt e kaluar dhe kjo i mban ata përpara. Lufta në ish -Jugosllavi përfundoi 30 vjet më parë dhe ne nuk duhet të harrojmë atë që ndodhi, por duhet të shohim se si të bashkëpunojmë’, thotë politikani serb.
