Gazetari dhe analisti nga Kosova, Berat Buzhala publikoi dje një video, ku dëgjohej muzika që ishte vendosur për të nderuar turistët serbë në Durrës. Kënga, të cilën e konsideroi si ofendim për shqiptarët, interpretohej nga Svjetllana Raznatoviç, e njohur si Ceca, e cila është edhe e veja e kriminelit, Arkan.
Por nuk ka munguar as reagimi kundër nga kolegu i tij Milaim Zeka. Ky i fundit, me anë të një statusi në Facebook shkruan se në Shqipëri, Cecën e dëgjojnë pa e kuptuar, për muzikën e saj ballkanase, ndërsa në Kosovë e kanë adhuruar dikur.
“Ne funde te fundit, Ceca dhe burri i saje, Arkani, asnje krim nuk e kane ba ne Shqiperi. Tani linde pyetja, qysh po kemi ftyre me ndeze keto debate, kur pjesa dermuese e ne kosovareve, edhe sot perjargemi per Cecen e Draganen, sikurse ai qeni i Pavllovit para se me ia hudhe mishin para turive?!,“-shkruan ndër të tjera Zeka, duke vënë në dukje se këngëtarja është një nga më të preferuarat edhe në Kosovë.
POSTIMI I PLOTË:
Krimineli i njohur serb Zheljko Razhnjatovic, i njohur si Arkani është një nga figurat më të tmerrshme që ka njohur ndonjëherë Ballkani. Arkani njihet edhe si udhëheqësi i njësisë ushtarake “Tigrat”, që akuzohet për masakra gjatë luftërave në Kroaci, Bosnjë e Herzegovinë dhe Kosovë. Por u vra në vitin 2000, nbdërsa autorët e vrasjes së tij ende nuk janë zbuluar. Zheljko Razhnjatovic u martua me Svetlana Raznatovic, e njohur si Ceca, një nga këngëtaret më në të Serbisë dhe së bashku kanë një vajzë dhe një djalë.
