Shqiptari Gani Muca, është dënuar me dy vite burg pasi u kap në një shtëpi bari në Britani.
Mediat britanike bëjnë me dije se 27-vjeçari, kishte mbjellë kanabis në të gjithë banesën tre katëshe në të cilën jetonte, ndërsa vet rrinte vetëm në një dhomë.
Mësohet se droga e mbjellë në banesën trekatëshe nëse do të hidhej në treg do të kapte vlerën e 70 mijë paundëve.Muca, tha para oficerëve se kishte jetuar në pronë për tre javë pasi kishte rënë dakord të kujdesej për bimët narkotike. Ai u shpreh se ai ishte paguar 80 paund në javë për ushqim dhe i ishte ofruar një pjesë e fitimeve nga shitja e kanabisit.
Më tej ai ka deklaruar se në Britani ndodhej që nga muaji shkurt dhe në territorin britanik kishte hyrë lirisht.
