Fituesi i “Kënga Magjike 2021”, Alban Ramosaj, ka zbuluar dje disa detaje që nuk i dinim nga jeta e tij.
I ftuar në rubrikën “Gjysma ime”, gjatë një loje mes të ëmës dhe dy motrave të tij, ata zbuluan një fakt mjaft interesant.
Fjala parë e Albanit ka qenë “thika”.
“Të betohem që s’ka qenë e parapërgatitur. Por nuk e di si e kam harruar pa e përmendur. Fjala e parë ka qenë “thika”, ose më saktë ‘fika’”, tha Alban, duke shtuar se shkronjën “th” e bënte “f” për një farë kohe.
Një rastësi e çuditshme, duke marrë parasysh që edhe kënga që e bëri fitues të Këngës Magjike, duke realizuar një ëndërr të madhe për të, titullohej “Thikat e mia”.
Albani tha se me të ëmën ka një marrëdhënie gati shoqërore, sepse me të ndan gjithçka që kalon gjatë ditës së tij.
