Presidenti i SHBA-së, Joe Biden mbërriti në Bruksel të Dielën në mbrëmje përpara dy ditëve të samiteve me NATO-n dhe Bashkimin Evropian, pjesë e udhëtimit të tij të parë të huaj që nga marrja e detyrës dhe një që synonte ringjalljen e lidhjeve transatlantike.
Sipas Reuters, Biden tashmë mori pjesë në një samit të demokracive të pasura me G7 në Britani gjatë fundjavës. Ai më pas do të bashkohet me një takim të udhëheqësve kombëtarë të NATO-s në Bruksel në 14 qershor, pasuar nga një samit në 15 qershor me zyrtarë të lartë të BE në qendrën politike të bllokut.
Biden është zotuar të rindërtojë marrëdhëniet me aleatët pas katër viteve të vështira nën ish-Presidentin Donald Trump, i cili nxori Uashingtonin nga një pakt global për të luftuar ndryshimin e klimës dhe kërcënoi në një moment të linte NATO.
Pas Brukselit, Biden do të udhëtojë në Gjenevë për t’u takuar me Presidentin rus Vladimir Putin në 16 qershor.
