Një ngjarje e rëndë është shënuar pak më parë në Korfuz. Si pasojë e një sherri banal, tre persona kanë ndërruar jetë, dy prej të cilëve janë vrarë, ndërsa autori është vetëvrarë. Siç raportojnë mediat greke, autori i ngjarjes së rëndë, ka ekzekutuar fillimisht pronaren e shtëpisë ku jetonte dhe një shtetas grek me banim në Francë.
Pronarja dëboi autorin e krimit nga banesa, duke sjellë reagimin e ashpër të këtij të fundit, i cili e ekzekutoi me armë zjarri pas sherrit që patën në oborr. Ende nuk është sqaruar se si u përfshi në ngjarje greku që jetonte në Francë, por mendohet që të tre personat jetonin në të njëjtën vilë dy-katëshe.
Pas vrasjes, autori shkoi në shtëpinë e tij dhe i dha fund jetës.