Protestat janë mbajtur në shumë shtete të Amerikës, por edhe në shumë kryeqytete të tjera në botë për luftën që po ndodh mes Izraelit dhe Palestinës. Një protestë është mbajtur edhe në Brooklyn, në të cilën është fotografuar edhe modelja 24-vjeçare, Bella Hadid.
Pak ditë më parë, një postim i Bella Hadid në rrjetet sociale shkaktoi reagime të shumta. Bella, e cila ndiqet nga më shumë se 42 milionë persona në Instagram postoi disa foto me mbishkrime, ku Izraeli quhej “okupues”, ndërsa palestinezët të “shtypur”. Më pas, ky postim u pëlqye edhe nga supermodelja tjetër, motra e saj, Gigi Hadid.
Bella, 24 vjeçe dhe Gigi 26 vjeçe, njihen për mbështetjen e tyre ndaj Palestinës dhe kanë marrë pjesë edhe në protesta.
