Dy persona kanë rënë në prangat e policisë së Shkodrës pasi u kapën në flagrancë me mijëra fara kanabisi në makinë Land Rover.
Ato ishin të paketuara në disa kuti dhe të mbështjella, ndërkohë që vlera e tyre kapte një shifër të konsiderueshme parash. Dyshohet se farat e bimëve narkotike do të kultivoheshin në zona të thella të Dukagjinit.
Një nga të arrestuarit është nga Malësia e Madhe ndërsa tjetëri është nga lagja Xhabiej në Shkodër. Personat e përfshirë në posedimin e farave të kanabisit u arrestuan pranë zonës së spitalit, ndërkohë policia vijon hetimet.
