Elona Guri, një nga njerëzit më aktivë të LSI, duke qenë në vijën e parë të protagonizmit në qytetin më të madh, pas kryeqytetit, Durrës, kryeson listën e partisë. Ideatore dhe organizatore – janë fjalët që mbajnë profilin e saj, e cila gjeneron vazhdimisht mbi të qënit grua, atë që në çdo shoqëri demokratike individi do zotëronte.
Me Durrësin Elona kërkon realizimin e saj politik, për një qytet të zhvilluar, evropian, dhe ndarjen nga e keqja. Ajo është nga kandidatet për deputete që mban karizmën e njeriut që i hapet dera në çdo shtëpi ku troket. E rrallë për një politikan, e medomoes të ri, të arrijë në këtë model protagonizmi duke u bërë një nga pikat kyç në LSI.
“Zgjodha të bëj një fushatë pa zhurmë, konkrete, bazuar tek nevojat dhe dëshirat e qytetarëve. Një shtrëngim duarsh, një kafe, një përqafim me njerëzit që pushteti aktual i ka gënjyer dhe shfrytëzuar. Kam dhënë fjalën time, fjalën e “LSI”-së, partisë tonë që dihet botërisht që e mban fjalën”, është shprehur Elona.
E panjohur gjerësisht, por me një tërheqje të brendshme në funksionimin e LSI, Guri është qysh në vitet e para si anëtare partie, dhe anëtare e kryesisë, e angazhuar në punët organizative brenda strukturës.
Edhe pse me këtë prezencë, modestia e Elonës lidhet natyrshëm me procesin e shkallëve, duke qenë një njohëse mjaft e mirë se si një parti e krijon suksesin dhe ja ku e kemi tani, një zë që kandidon për të përfaqësuar një zë në Parlament.
“Të bëhem pjesë e hartimit të ligjeve që integrojnë Shqipërinë në BE dhe t’i jap mundësinë shqiptarëve të rrinë në vendin e tyre, duke jetuar, punuar dhe rritur fëmijët e tyre me dinjitet. Hyrja ime në këtë garë si numri një i “Lëvizjes Socialiste për Integrim”, është besim nga partia dhe frymëzim për të punuar me zemër” – kjo dëshmon nga artikulimet e pakta në qartësi idesh, dhe qëllimesh kur një politikan vendos të ketë përgjegjësi të tjera për vendin.
Në jo pak raste Guri është një denoncuese e guximshme brenda LSI, përballë presioneve politike, vendimeve arbitrare të qeverisë aktuale mbi biznesin, deri në kërcënimin me vendet e punës etj. Aksionet politike, zgjimi i ndërgjegjes, i ndjeshmërisë së shqiptarëve përballë arrogancës politike është nga vëmendjet e vazhdueshme të Elonës duke qenë gjithnjë në realizmin e shqiptarëve patriotë, të ndershëm dhe të përparuar.
Në fakt, ka një fenomen interesant në radhët e LSI, ku gruaja është në nivelet më të larta politike dhe jo pak, në domethënie të kësaj që kjo forcë politike drejtohet po nga një grua. Ndoshta është ky model frymëzimi që e mban lart stekën e grave në politikë duke qenë nga partitë që gruan nuk e ka fasadë por një mekanizëm funksional, të fuqishëm, levë dhe motorr organizimi. Për këtë arsye fokusimi tek ky profil, si Elona Guri merr kontekste të shumëfishta në dimesionet politike dhe intelektuale.
