Që pas ndarjes nga Tea, Bearti ka realizuar shpesh biseda virtuale me ndjekësit në Instagram, ku mes shumë pyetjeve apo dhe komplimenteve, një ndër ndjekëset e ka quajtur të shëmtuar.
“Je shumë i shëmtuar”, i ka shkruar ajo. Mirëpo, Bearti e ka nxjerrë blof duke publikuar mesazhet që kjo ndjekëse i ka dërguar në Instagram.
Nga mesazhet, shihet se e njëjta vajzë që e ka quajtur të shëmtuar, i ka shprehur dashurinë më parë.
“O Zot të dua shumë”, i ka shkruar ajo.
Siç duket, pasi Bearti nuk i ka kthyer përgjigje, vajza ka vendosur të “hakmerret” duke e quajtur të shëmtuar.
