Dy makina luksoze janë përplasur mbrëmjen e sotme te stadiumi “Air Albania”.
Mësohet se në aksident është përfshirë një BMW Seria M5 dhe një Mercedez Benz S Class i vitit 2020.
Dyshohet se shkak i aksidentit ka qenë shpejtësia e lartë, ndërsa njëra nga makinat ka përfunduar duke thyer edhe xhamat e një lokali.
Si pasojë kanë marrë lëndime dy drejtuesit e mjeteve, të cilët kanë pësuar fraktura dhe thyerje në gjymtyrët e sipërme. Mediat raportojnë se në aksident është përfshirë edhe ish-deputeti Aqif Rakipi.
Ndërkohë, policia ka shkuar në vendngjarje dhe ka nisur hetimet për zbardhjen e plotë të aksidentit.