Drejtuesi politik i Partisë Demokratike për zonën e Kombinatit Belind Këlliçi ka denoncuar skandalin e radhë të punonjësve shtetërorë që janë përfshirë në fushatën e Rilindjes duke ndarë ndihma apo para në këmbim të votës për qytetarë të ndryshëm.
“Po marr dhjetra ankesa nga qytetarë, për përfshirjen e drejtorit të PMNZSH Zjarrfikëse Shkëlqim Goxhaj, në shpërndarje parash në zonën e pallateve Çabej”, shkruan Këlliçi në një postim në faqen e tij ne facebook, Ai i bën thirrje këtij personi që, “të respektojë uniformën e shtetit dhe të mos shfrytëzojë funksionin publik që ka, për interes partiak”.
Ja postimi i plotë:
Po marr dhjetra ankesa nga qytetarë, për përfshirjen e drejtorit të PMNZSH Zjarrfikëse Shkëlqim Goxhaj, në shpërndarje parash në zonën e pallateve Çabej.
I bëj thirrje Z. Goxhaj të respektojë uniformën e shtetit dhe të mos shfrytëzojë funksionin publik që ka, për interes partiak.
Pas 25 prillit, Shkëlqim Goxhaj dhe cilido zyrtar tjetër që paguhet me paratë e taksapaguesve shqiptarë, dhe që shfrytëzon funksionet publike për qëllime elektorale, do të përballet me forcën më të madhe të ligjit.
Jua njohim fytyrat dhe veprat. Nuk ju harrojmë!
