Presidenti Ilir Meta do të mbledhë nesër për të dytën herë Këshillin e Sigurisë lidhur me menaxhimin e krizës së Covid-19.
Një fakt të tillë e bëri me dije kryedemokrati, Lulzim Basha në emisionin “Tempora” në Rtv Ora teksa konfirmoi pjesëmarrjen.
Duke komentuar ftesën e kryeministrit Rama për të bashkërenduar forcat, Basha tha se prej fillimit ka qëndruar larg retorikës politike dhe do të vazhdojë ta bëjë.
Sipas Bashës, ekspertët e PD-së janë dhe kanë qenë të gatshëm të kontribuojnë.
Për herë të parë, Këshilli i Sigurisë Kombëtare u mblodh më 25 mars ku përveç presidentit Ilir Meta, kryeministrit Edi Rama, kryeopozitarit Basha merrnin pjesë edhe disa prej ministrave të qeverisë si dhe kreu i Kuvendit.
