Kryetarja e LSI-së Monika Kryemadhi është shprehur se në zgjedhjet e 25 prillit do të ketë një pjesëmarrje të jashtëzakonshme, diku te 80%.
E ftuar në Tempora në RTV Ora, Kryemadhi u shpreh se qytetarët kanë evidentuar mashtrimet që po ndodhin këto kohë por ata nuk i hipotekojnë dot se janë fiktive këto legalizime.
Do të jenë një pjesëmarrje e jashtëzakonshme, diku te 80%. Janë 3.5 milionë zgjedhës, por sa u përket shqiptarëve që jetojnë në vend. E ndiej entuziazmin te njerëzit që sakrifikojnë çdo ditë dhe të familjet e varfra që ndjejnë presionin e administratës për ndihmat ekonomike.
Qytetarët kanë evidentuar mashtrimet që po ndodhin këto kohë. Është nisur një cunam me legalizimet, por qytetarët nuk i hipotekojnë dot se janë fiktive këto legalizime. Ne këto raste do t’i çojmë te drejtësia e re. Unë sot kam firmosur sot padinë e dytë sa i përket inceneratorëve të Elbasanit. Janë disa gazetarë që janë në procese gjyqësore me firmat e inceneratorëve, u shpreh Kryemadhi.
