Moderatorja e njohur, Dojna Mema së fundmi, ka realizuar në InstaStory një bashkëbisedim virtual ku i fton fansat që ti bëjnë pyetje.
Pyetja që indinjoi moderatoren bukuroshe ishte pikërisht ajo e një ndjekësi, i cili siç duket ka bërë dallim krahinor me qëllim për të ofenduar Dojnën.
“Pse moj kafshë ku je në Kukës? Në Tiranë je prap të hëngërt kush të mban për të zgjuar ty?”, shkruan ndjekësi.
Dojna zgjedh t’i përgjegjet pikërisht kësaj pyetjeje dhe ka një mesazh për t’i dhënë të gjithëve.
“Përtej mesazhit të kësaj gocës që kam përshtypjen nuk kupton as veten, jo më ta kuptojnë të tjerët, një gjë që urrej shumë dhe marr shkas nga ky mesazh është që njerëzit ndajnë karakteristikat njerëzore sipas zonave duke ofenduar herë pas here, ndajeni mendjen: Shqipëria është shumë e vogël për të qënë e përçarë”, u shpreh e revoltuar Dojna.
