Ditën e sotme pranë shkollës “Jan Kukuzeli” në Durrës, ku po kryen vaksinimet anticovid nuk është paraqitur ende asnjë mësues.
Burime theksojnë se puna pritet të fillojë më vonë, por Ora News, bën me dije se dera e shkollës është e mbyllur për gazetarët .
Ditën e djeshme shumë arsimtarë nuk janë paraqitur për vaksinim. Burime të besueshme bëjnë me dije se janë paraqitur 1 në 4 arsimtarë të planifikuar.
Ata presin rezultatet tek të vaksinuarit e deritanishëm, pasi paniku i përhapur për AstraZeneca është i ndjeshëm në opinion.
