Aktori i njohur në Kosovë, Rasim Thaçi (Cima) është infektuar me Covid-19 . Për të ndihmuar babin e saj, vajza e tij, Adelina, ka bërë një apel në rrjetet sociale.
Ajo kërkon gjak prej atyre që e kanë kaluar koronavirusin së fundmi për të marrë antitrupat e tyre.
“Kërkojmë urgjent persona që sapo kanë kaluar covidin, e që kanë grupin e gjakut A pozitiv apo A Negativ, sepse na duhet që përmes gjakut të tyre të ju marrim antitrupat. Kjo është për babin tim, na duhet përmbi 50 Antitrupa Ju faleminderit paraprakisht nëse dikush shpreh vullnetin e ka mundësinë”, shkruan ajo në Facebook.
Ndërkohë nuk dihet se në çfarë gjendje shëndetësore është aktori.