SHBA-Kur 90-vjeçarja Margaret Keenan në Britaninë e Madhe, mori vaksinën e parë në botë të autorizuar dhe testuar antiCovid-19 në fillim të kësaj jave, fundi i pandemisë Covid-19 dukej më në fund i arritshëm.
Muaj te veshtire vijne përpara, por shpërndarja e vaksinës së parë në kohë rekord dhe miratimet e mundshme kanë shënuar një pikë kthese për vendet e pasura që mund të përballojnë vaksinat për të përballuar virusin. Por, zyrtarët e shëndetit publik në botën në zhvillim, kanë thënë se kjo mund të vërë në dukje një ndarje të vendeve të pasura nga ato të varfra.
Pazari me vaksinat
Vendet e pasura kanë filluar të bëjnë pazar me vaksina për muaj me radhë. Një bazë e të dhënave e azhurnuar vazhdimisht dhe e përpiluar nga Qendra Global e Inovacionit Shëndetësor, kanë treguar marrëveshje dypalëshe me vlerë miliarda dollarë nga një pjesë e vendeve për vaksinat në zhvillim.
Disa vende dhe blloqe rajonalë kanë porositur vaksina që mund të mbulojnë shumë më tepër sesa e gjithë popullata e tyre. Aleanca e Vaksinave të Popullit, një vëzhgues ndërkombëtar i vaksinave që përfshin Amnesty International dhe Oxfam, tha këtë javë që vendet e pasura kanë blerë doza të mjaftueshme të vaksinave Covid-19 për të imunizuar popullsinë e tyre tre herë.
Qeveria Kanadeze ka siguruar për të vaksinuar qytetarët e tyre pesë apo edhe gjashtë herë, megjithëse jo të gjithë kandidatët për vaksina që ka porositur mund të aprovohen për përdorim.