Policia bjelloruse ju kundërpërgjigj me dhunë dhe arrestime masive protestave të javës së 13 kundër presidentit Aleskandër Lukashenko. Protestuesit bëjnë thirrje për dorëheqjen e presidentit dhe mbajtjen e zgjedhjeve të reja presidenciale.
Mbi njëmijë protestues anti-qeveritarë u arrestuan të dielën në Bjellorusi, gjatë fundjavës së 13-të të protestave që bëjnë thirrje për dorëheqjen e presidentit Aleskandër Lukashenko dhe zgjedhje të reja presidenciale.
Grupi i të drejtave të njeriut Vyasna tha se gjithsej 1024 vetë u arrestuan nga forcat e sigurisë, ndërsa të tjerë u rrahën brutalisht.
Shumica e arrestimeve u bënë në kryeqytetin Minsk, ku policia bllokoi valët telefonike dhe mbylli metronë.
Grupi Vyasna tha se disa nga të arrestuarit u liruan më vonë.
Presidenti Lukashenko e mban pushtetin në Bjellorusi që prej vitit 1994.
Ai u rizgjodh president në muajin gusht, por sipas opozitës dhe protestuesve, zgjedhjet u manipuluan.
Perëndimi refuzon ta njohë Lukashenkon si udhëheqës legjitim të Bjellorusisë dhe i kërkon atij ta transferojë pushtetin në mënyrë paqësore.
Vetë Lukashenko i mohon akuzat për manipulim të votave.
Mijëra vetë janë arrestuar që kur autoritetet e kanë shpallur atë fitues të zgjedhjeve.
Gjithashtu shumica e udhëheqësve të opozitës janë arrestuar ose detyruar të largohen nga Bjellorusia.
Disa kohë më parë OSBE-ja me Ramën në krye u përpoq të zgjidhte krizën, por përpjektet nuk rezultuan të sukseshme.
