Këngëtari i famshëm, Sam Smith ka shprehur dëshirën e tij për të krijuar një familje, në moshën 35 vjeçare.
Në një intervistë për “Apple Music’s Zane Loëe”, këngëtari ka folur në lidhje me planet e tij për krijimin e një familjeje.
“Unë dëshiroj të kem fëmijë. Unë dëshiroj t’i shikoj fëmijët e mi teksa rriten dhe të jem me ta çdo ditë. Unë dua të bëhem një mami.”
28 vjeçari tha se ka ende shumë ambicie dhe fuqi për të punuar e gjithashtu po mundohet që të gjejë një të dashur me të cilin do të rrisë fëmijët e tij. “Jam në treg prej 3 vitesh dhe ende nuk kam një të dashur.
Është kaq e vështirë të gjesh një të tillë sidomos në Londër” -përfundoi ai duke zbuluar se është gati për një lidhje të shëndetshme, pasi i ka dhënë fund nje herë e mirë atyre toksike.
