Presidenti Ilir Meta i ka bërë apel mazhorancës të mbështesë nismën për hapen e listave 100 përqind për deputetë në zgjedhjet e ardhshme parlamentare.
Në një deklaratë për mediat, Meta akuzoi kryeministrin Edi Rama për pengimin e hapjes së listave.
Madje, kreu i shtetit tha se Rama i druhet hapjes së listave, pasi sipas Metës, në çfarëdolloj qarku të kandidojë, Rama nuk zgjidhet deputet me lista të hapura.
Kreu i shtetit bëri apel për mos shkeljen e marrëveshjes së 5 Qershorit, pasi sipas tij, kjo do ishte një atentat ndaj integrimit në Bashkimin Europian.
Pjesë nga deklarata e presidentit Ilir Meta:
Janë dy gjëra të ndryshme kur flasim për socialistët.
Unë pavarësisht se jam president i Republikës në bindjet e mia janë socialist pavarësisht se më duhet të respektoj kushtetutën. Nuk janë socialistët që i bëjnë këto gjëra. Është një sekt që ka shfarosur çdo vlerë të mirë dhe pozitive dhe ka zënë për gryke PS-në dhe gjithë Shqipërinë, që është i sponsorizuar pa dyshim nga faktorë që kërkojnë defaktorizimin e Shqipërisë. Është një mashtrim i madh që bënë kryeministri se ai i mban socialistët në pushtet, por për pushtetin e oligarkëve të bandave.
Nuk është Edi Rama që i ka sjellë socialistët dhe i mban në pushtet, ai ka sjellë bandat dhe ka përvetësuar disa oligarkë. Kanë qenë socialistët që e kanë sjellë Edi Ramën nga refugjat dhe e vunë në pushtet. Ai është i pashpresë në rast se humbjen e tij që e ndien çdo qytetar në këtë vend dhe ai kërkon ta kthejë në një tragjedi për Shqipërinë. Të respektojë marrëveshjen e 5 qershorit, të bëjë listat e hapura 100%.
Unë jam i sigurt se ai nuk e bën këtë gjë. Ishte një gjë për të prishur marrëveshjen e 5 qershorit. Dhe e a dini ju pse si bën listat e hapura?
Jo vetëm se i del jashtë kontrollit PS, se nuk do të votojnë biznesmenët dhe përfaqësuesit e oligarkëve, por se ai nuk del në asnjë qark deputet.
Jo në një, po në katër qarqe.
Nuk kam interes të hyj në këtë çështje dhe as të rri indiferent