Delinda Disha ka reaguar me anë të një postimi në InstaStory kundër kryebashkiakut Erion Veliaj. Aktorja e humorit ka marrë shkas nga riparimi i shtëpisë së Ismail Kadaresë, duke e krahasuar me ‘fatin’ e Teatrit Kombëtar.
Nisur nga kjo, Disha ka përdorur tone të ashpra kundrejt Veliajt. “Për të riparuar pallatin e Kadaresë ka lekë Bashkia, Lali plehra, për teatrin duhej bërë gradaçielë”, ka shkruar aktorja e humorit. Ajo ishte një nga emrat që kundërshtuan prishjen e godinës së Teatrit Kombëtar disa muaj më parë. Shtëpia e Kadaresë u kthye në muze disa muaj më parë, pas një periudhe rikonstruksioni.
Disha u komentua jo pak për një nga postimet e fundit lidhur me Covid-19, duke bërë thirrje që njerëzit t’i thonë ‘Jo’ vaksinës. Aktorja e humorit, ashtu si një pakicë njerëzish, besonte se koronavirusi është një gënjeshtër e madhe.