Ish-deputeti i PD-së Gent Strazimiri ne nje status ne rrjetin social Facebook ka cituar fjalet e At Gjergj Fishtës për të shprehur “dëshirën” e tij për Kuvendin e ri që do të dalë nga zgjedhjet e vitit të ardhshëm.
Mesazhi i Strazimirit
“… mjafton që brenda të mos ketë piça e rrugacë, sallahana e intrigantë…”
“Së pari e kryesorja, delegati për Asamblenë Kushtetuese duhet të jetë Shqiptar (…) që me botime të veta të vlershme kanë ndriçuar e begatuar letërsinë shqipe, e me të holla e vepra të tjera patriotike janë orvatur për triumfin e lirisë sonë kombëtare.
Së dyti, delegatët duhet të jenë burra të ndershëm e njerëz bese e burrnije.
Së treti, ndër kandidatët thjesht shqiptarë e burra të ndershëm, duhen zgjedhur më të diturit e kuvendarët më të mirë. Zgjedhësi që zgjedh delegatin, deputetin për hir të një partie politike, ai bën një faj të rëndë ndaj kombit.
Burrat e ndershëm do ta shohin vetë se nga është e drejta, do të dinë se nga të mbajnë, MJAFTON QË BRENDA TË MOS KETË PIÇA E RRUGAÇË, SALLAHANA e intrigantë të patur e marre.”
Patër Gjergj Fishta, 1923
![](https://kohajone.com/wp-content/uploads/2020/08/straz.jpg)