Kandidati për president në SHBA, Kanye West po qëndron i fshehur në bunker në fermën e tij prej 15 milion eurosh në Uajoming, pasi i druhet ndonjë sulmi nga familja Kardashian.
Kanye West ka publikuar në Twiter disa fraza mbi gruan dhe vjehrrën e tij, ai shkroi se është përpjekur të divorcohet nga Kim Kardashian që kur ajo u takua me reperin Meek Mill në një hotel. Gjithashtu e quajti vjehrrën e tij “Kris Jong-un” dhe e akuzoi si supremaciste të bardhë.
Burime për “The Sun” thanë se Kim dhe Kanye po jetojnë të ndarë dhe kanë pasur shumë zënka gjatë karantinës.
Tashmë, Kanye po jeton në bunkerin e emergjencave, i cili është i pajisur me ushqime, dhe në shoqërinë e njerëzve të tij të besuar. Kim dhe familja e saj nuk hyjnë te njerëzit e tij të besuar.
