Protagoniste e skenës politike, shpesh duke tërhequr vëmendje në debate apo deklarata në studiot televizive… Por, ku ka ‘humbur’ Monika Kryemadhi?!
Prej disa javësh ka qëndruar larg televizionit dhe rrjeteve sociale për një arsye në veçanti. Kryetarja e LSI ka zgjedhur që takimet me të rinjtë ti bëjë duke u bashkuar me ta në ambjentet ku ata rrinë dhe kjo nuk ndodh vetëm në fushata zgjedhore.
Kryemadhi është figura që ka mbështetur më së shumi të rinjtë që në fillimet e karrierës së saj politike dhe vazhdon ta bëjë këtë. Shumë sportive dhe e përfshirë në bisedat me vajza dhe djem të rinj, ajo ka dëgjuar me vëmendje problemet e tyre. Pa qenë i nevojshëm ekspozimi në televizion, larg zyrës apo njoftimeve për aktivitetet e saj, Kryemadhit i kanë mjaftuar ambientet e bareve në zona të ndryshme të Tiranës, për të bërë takimet me ata që gjithmonë i ka cilësuar si e ardhmja e vendit.
Monika Kryemadhi duket qartazi se integritetin e sheh tek të rinjtë si primarë me dëshirën për të ecur përpara. Zgjedhje që na pëlqen shumë!
