IKMT e evidentoi dhe Policia e Shtetit e arrestoi një pronar lokali tek Shkëmbi i Kavajës me akuzën “Ndërtim i paligjshëm” dhe “Pushtim i tokës”.
Polici dhe IKMT njoftuan se tek Shkëmbi i Kavajës, para lokalit të I. K. kanë konstatuar se kishte zaptuar në mënyrë të paligjshme një sipërfaqe toke, pronë publike plazh, duke e rrethuar me mur dhe plate betoni.
Ndaj, specialistët e Krimeve në Stacionin e Policisë Plazh arrestuan në flagrancë I.K, 66 vjeç, banues në Durrës.
Ndërkohë, IKMT ka plotësuar dokumentacionin për prishjen e këtij ndërtimi brenda 5 ditësh.
Materialet i kaluan Prokurorisë së Rrethit Gjyqësor Durrës, për veprime të mëtejshme.
