Kastriot Çipi, regjisor dhe aktivist, ne nje interviste për Rtv Ora eshte shprehur qarte se Teatri Kombëtar nuk do të ketë kurrë fatin e Astirit dhe për këtë ai thotë se do të shkohet deri në përplasje fizike.
Çipi: Nuk besoj se është ky rrezik por kjo nuk do të thotë se ne nuk jemi të vëmendshëm dhe të gatshëm për tu përballur edhe fizikisht me policinë e sjell aty nga bashkia e Tiranës. Erion Veliaj është një njeri që nuk mund ti zësh besë për asgjë. Nuk besoj se Veliaj ka fuqinë të dal kundër opinionit të KE dhe organizatave të tjera ndërkombëtare, nuk besoj se mund tu kundërvihet në bllok qytetarëve, presidentit dhe opozitës. Por edhe nëse ndodh do të ketë konfrontim fizik, përballje të egër mes qytetarëve dhe policisë.
Çipi: Me bashkinë e Tiranës nuk kemi asnjë komunikim prej dy vitesh. Kur ne tentuam të bënim dëgjesa, bashkia bëri farsa dhe nga ai moment komunikimi është ndërprerë. Komunikimin Bashkia e ka me prokoll me listë servilësh dhe të paguarish me projekte direkt nga bashkia apo indirekt nga Ministria e Kulturës, apo përfitues të kredive për shtëpi dhe fonde të tjera. Me artistë të pavarur Bashkia e Tiranës nuk komunikon.
I pyetur nëse ka mbetur ndonjë hapësirë për negociim që Teatri Kombëtar të mos shembet por të shndërrohet në Muze, ai jep këtë përgjigje:
Çipi: Nuk ka vend për negociim me Bashkinë e Tiranës. Aleanca për Mbrojtjen e Teatrit e ka fituar këtë betejë se ka pasur mbështetje të madhe nga qytetarët dhe ndërkombëtarët.Ne nuk do të ulemi kurrë në tavolinë me Erion Veliaj për të negociuar a ta prishim me buldozer apo dinamit një Monument të Historisë. Do të vazhdojmë të rezistojmë duke përdorur të gjitha mjetet institucionale dhe në mungesë të këtyre zgjidhjeve do të ketë zgjidhje fizike. Teatri është në këmbë dhe ka një pasaporë tëv respektuar europiane. Tani imperativ është rrëzimi i qeverisë Rama si e vetmja mënyrë për të hapur rrugën drejt restaurimit me fonde dhe ekspertizë ndërkombëtare.
Regjisori Çipi komentoi edhe protestën e sotme të shoqërisë civile para Gjykatës Kushtetuese.
Çipi: Sot protesta te Gjykata Kushtetuese ka qenë për ndryshimet në kodin penal në kohë pandemie dhe në mungesë të Gjykatës Kushtetuese që do të duhej të shprehej për këtë dhe një sërë problemesh shumë të rënda që kemi sot me demokracinë. Edhe për Teatrin ka një padi të ngritur nga Presidenti në Kushtetuese që pret radhën të gjykohet ndërkohë që Bashkia e Tiranës përmes kryetarit të saj ka deklaruar se është tërhequr nga ligji special. Edhe vendim i fundit është në këtë vazhdë, vendimi i qeverisë në 8 maj, të përpjekjeve antikushtetuese, antikombëtare dhe antikulturë të qeverisë dhe bashkisë së Tiranës për të shkatërruar një monument të rëndësishëmm, të pazëvendësueshëm të kulturës shqiptare të konfirmuar edhe nga qëndrimi i Europa Nostra dhe KE. Sa i përket asaj që ndodhi sot është një vazhdë që sapo ka nisur dhe vetëm do të vazhdojë dhe fuqizohet.
