Kreu i PD-së Lulzim Basha ka dhënë një mesazh në Ditën e Dëshmorëve.
‘Kjo ditë më shumë se kurrë na fton të reflektojmë mbi vlerat e vërteta që e bëjnë një shoqëri të lirë e të begatë’, shkruan Basha në mesazhin e tij.
Mesazhi i Lulzim Bashës për Ditën e Dëshmorëve:
Sot nderojmë me mirënjohje të thellë kombëtare dëshmorët tanë që dhanë jetën duke luftuar për liri kombëtare dhe dinjitet njerëzor, për çlirim nga zgjedha e pushtuesve, dhe për demokraci e drejtësi.
Kjo ditë më shumë se kurrë na fton të reflektojmë mbi vlerat e vërteta që e bëjnë një shoqëri të lirë e të begatë, se sa të shenjta e të kushtueshme janë ato, se pa liri dhe dinjitet asgjë tjetër nuk ka kuptim dhe gjithçka është e rrezikuar.
Lavdi përjetë Dëshmorëve të Kombit!
Zoti e bekoftë Shqipërinë!
