Kreu i Partisë Agrare Ambientaliste, Agron Duka, ka publikuar lajmin e hidhur, se nena e tij ka nderruar jete diten e sotme.
Duka, i kushton disa fjalë prekëse të ëmës së ndjerë, teksa thekson se ka qenë drita e shtëpisë dhe drita e dijes e shumë nxënësve përgjatë karierës së saj si mësuese.
Mesazhi i plote:
Me hidhërim të thellë njoftoj ndarjen nga jeta, të nënës sonë Vajdie Duka, në moshën 81 vjeçare e cila la qenë drita e shtëpisë tonë dhe drita e dijes e shumë nxënësve përgjatë karierës së saj si mësuese. Një humbje e madhe që lehtësohet vetëm nga dashuria me të cilën ka mbushur përherë zemrat tona dhe gjithë të afërmëve të saj.
Të dashur miq, koha e pazakontë në të cilën jetojmë na detyron të heqim dorë nga zakonet e moçme falë të cilave kemi qenë afër njëri-tjetrit edhe në hidhërime, prandaj të gjitha ritet do t’i zhvillojmë pas kalimit të kësaj situate.
Në emrin tim dhe të familjes sime, ju falenderoj për mesazhet tuaja!
