Kreu i PD Lulzim Basha duke shperndare nje video te emigranteve te mbetur ne kufi, i ben thirrje edhe nje here kryeministrit Rama te mundesoje kthimin e qytetareve ne atdheun e tyre.
Ne te kundert ,shprehet Basha, ky akt perben nje braktisje mizore qe asnje shoqeri e civilizuar nuk mund ta fal.
Postimi i plote:
Është e pafalshme dhe çnjerëzore që prej 4 ditësh dhjetëra nga bashkëqytetarët tanë janë lënë në mëshirë të fatit, në tokë asnjëanëse mes Shqipërisë dhe Greqisë.
Një braktisje e tillë mizore përbën një krim kaq të rëndë, sa asnjë shoqëri e civilizuar nuk mund ta falë, dhe që një prokurori me një fije integritet nuk mund të mos e hetojë.
I bëj thirrje qeverisë të lejojë këta bashkëqytetarë të hyjnë në atdheun e tyre. Të merren masa për transportin dhe strehimin e tyre në qendrën për karantinim në konvaleshencën e Durrësit. Të bëhet testimi i tyre dhe më pas në varësi të gjendjes shëndetësore të dërgohen pranë shtëpive dhe familjeve të tyre.
Braktisja e tyre në këtë kohë të vështirë është e papranueshme, është kriminale.
