Zbardhen detaje të reja nga krismat në Korçë.
Policia ka dhënë informacion paraprak në lidhje me ngjarjen, që fatmirësisht ka përfunduar pa të dëmtuar.
Më datë 17.02.2020, rreth orës 13:10, në lagjen nr. 8, Korçë, gjatë një konflikti për motive të dobëta ndërmjet dy vëllezërve V. X,. e K. X., me shtetasin E. B., banues në Korçë, dyshohet se njëri prej vëllezërve ka qëlluar në ajër me armë zjarri tip pistolete.
Dy vëllezërit kanë hedhur në tokë armën e zjarrit dhe janë larguar me shpejtësi nga vendi i ngjarjes.
Forca të shumta policie janë vënë në ndjekje të dy autorëve të dyshuar të ngjarjes dhe po punojnë për kapjen e tyre.
Shtetasi E.B, është shoqëruar në ambientet e Komisariatit për sqarimin e rrethanave të ngjarjes.
Grupi hetimor po punon për zbardhjen e plotë të rrethanave të ngjarjes.
