Megjithëse u raportua për një person të dyshuar të infektuar me koronavirus, pacientja rezultoi se nuk është bartëse e sëmundjes që po përhapet me shpejtësi në mbarë botën.
Mjekët që u morën me rastin në fjalë sqaruan se rezultatet për pacienten e dyshuar, kanë dalë negative.
Drejtori i Insitutit Kombëtar i Shëndetit Publik është shprehur se: “Ne i kemi marrë rezultatet laboratorike për të treja në mënyrë që të izolojmë çdo dyshim të mundshëm në koronavirus dhe në gripin a ose b, dhe të treja kanë rezultuar negativisht. Në këtë rast konfirmimi laboratorik është konfirmimi përfundimtar”
Nga ana tjetër ministri i shëndetësisë në Kosovë, tha në një deklaratë për shtyp se bëhet fjalë për një shtetase të huaj, e cila jeton në Kosovë.
Ndërkohë, institucionet publike shëndetësore në Kosovë kanë marrë të gjitha masat nevojshme për të parandalaur koronavirusin .
