Kryeministri Edi Rama u bë subjekt humori në median sociale sot në dy raste. Fillimisht deklaroi se do i japë fund lidhjes së krimit me politikën dhe administratën.
Më pas zbuloi se ndërtimet kanë qenë shkaktarë për vdekjen e dhjetëra njerëzve nga tërmeti më 26 nëntor.
Ai foli me tone të ashpra, duke premtuar aksione të forta, edhe pse ka 7 vite si kryeministër dhe dy dekada në pushtet si njeriu kryesor i ndërtimeve në vend.
Edhe pse ai dhe kryebashkiakët e tij kanë gatuar katrahurën e ndërtimeve në vend, Rama nuk u ndal në fjalën e tij, e cila nuk ia mbushi mendjen as Pandeli Majkos, siç tregon fotoja.
